NRK Meny
Normal

Ávžžuha FeFo geassádit

Finnmárkkuopmodat FeFo ii sáhte eaiggáduššat fitnodagaid mat gilvalit boazoguohtuneatnamiid alde.

Ellinor Marita Jåma

Norgga Boazosápmelaččaid Riikkasearvvi jođiheaddji Ellinor Marita Jåma ávžžuha FeFo geassádit el-fápmu fitnodagas.

Foto: Vaino Rensberg / NRK

Dan oaivvilda Norgga Boazosápmelaččaid Riikkasearvvi jođiheaddji Ellinor Marita Jåma. Ja danin ávžžuha son Fefo geassádit eret Finnmark Kraft AS nammasaš el-fápmu fitnodagas.

Sáhttá massit luohttámuša

FeFo sáhttá massit luohttámuša jus eai loahpat iežaset oasseeaiggáduššanvuođa Finnmark Kraft el-rávdnjefitnodagas, oaivvilda NBR jođiheaddji Ellinor Marita Jåma.

Cegget 60 bieggamillu

El-rávdnjefitnodaga áigumuš livččii earret eará cegget 60 bieggamillu Gearretnjárgga boazoorohaga eatnamiid ala Fálesnuorrái.

Jåma mielas dákkár eaiggátvuohta lea dagahan FeFo dohkkemeahttun duppalrollii.

Nuppi beales FeFo Finnmárkolága vuođul lea geatnegahttojuvvon hálddašit Finnmárkku eatnamiid ja čáziid dakkár vuogi mielde mii áimmahuššá boazodoalu beroštumiid.

  • Guldal eambbo dán áššis: