Astoáigefálaldagat vuoruhuvvojit
Ráđđehus evttoha 225 mill. ruvnno álggahit nationála astoáiggekoarttaid mánáide ja nuoraide gaskkal 6-18 jagi. Áltá, Guovdageaidnu, Čáhcesuolu ja Romsa leat mielde dán prošeavttas. Bargu álggahuvvo boahtte čavčča. Jurdda lea ahte buot mánát ja nuorat galget beassat searvat astoáiggedoaimmaide. Guovdageainnu sátnejođiheaddji, Hans Isak Olsen lohká ahte dat lea buorre ođas. – Mun lean dieđusge hui ilus dainna ja maiddái ahte Guovdageaidnu vuoruhuvvo dán oktavuođas, dadjá Olsen.