NRK Meny
Normal

Árdna kulturmagasiidna TVs oidnogoahtá fas

Dán mánu 26. beaivvi, mii lea vuossárga, de oaidnit fas Ártna TVs. Dán čavčča láidesta Ronald Pulk Árdna-tv sáddaga.

Ronald Pulk
Foto: Carl-Gøran Larsson / NRK

Vuossárga golggotmánu 26. beaivvi de oainnát fas Ártna TVs. Vuosttaš sáddagis leat máilmme beakkánis guossit. Mari Boine ja su čuojaheaddji Georg Buljo. Boine lea beaggán juo máŋgalot jagi, de sus gal leat olu vásáhusat main sáhttá muitalit. Son áigu boahtte jagi almmustahttit ođđa CDa ja dán lohká leat earalaganin. Das leat sus áibba ođđa musihkkárat ja son lávlu eaŋgalasgillii.

Dološ láigeboagán oažžu maid fuomášumi Ártna vuosttas sáddagis. Das čájeha duojár mo dán boahkána galgá ráhkadit.

Ronald Isaksen Pulk lea prográmmajođiheaddjin dán sáddenáigodaga. Sáddaga oainnát vuossárgga golggotmánu 26. beaivvi NRK 2, tiibmu 2045.