NRK Meny

Almmái ii leat velge gávdnon

Almmái gii báhtarii go galggai sirdojuvvot čázesullo giddagasas Berggen giddagassii, ii leat velge gávdnon. Almmái dubmejuvvui skábmamánnu diibmá gávcci jahkái eavttuhis giddagasráŋggáštussii, go galgá leat seksuálalaččat illastan iežas nieidda. Go sirdde albmá de sáddejuvvui son ieš okto girdi mielde, ja son de báhtarii go galggai girdi molssut Gardermoen girdi-šiljus.