FA Sámi spábbačiekčanlihttu lágidii čoahkkima Romssas mannan vahkkoloahpa. Doppe dat lihttu stivra gieđahalai bušeahtta ja mearređii bidjat johtui FA Sámi nissonolbmuid ja nuoraid joavkku.
Stivrraláhttu Frode Guldbjørnsen atná dán dehálažžan.
Čoahkkimis evaluerejuvvui maiddai Conifa máilmmi Cup FA Sapmi dáfus, mii lágiduvvui geassemanus Staares. FA Sapmi ii birgen Conifa Cupas nu bures, go sis ii lean doarvái olu áigi ráhkkanit dasa.
Sámi spábbačiekčanlihttu stivralahttu, Frode Guldbjørnsen, ii leat vel sihkar ahte šaddá go FA Sapmi joavkku boahtte jagi Conifa Europa Cupai. Danin go Sámediggi mearrida easka juovlamanus ahte oažžu go FA Sami spábbačiekčanlihttu ruhtadoarjaga. Muhto Guldbjørnsen gal lea optimista dan ektui ja sii leat álggan rahkánit juo boahtte jahkái.
- Guldal ášši: