NRK Meny
Normal

Álggahan sámi giellaarena Áigiris

Olbmot, geat lea massán sámegiela dáruiduhttima dihti, sáhttet dál searvat sámi giellaarenai mii lea álggahuvvon Áigiris Porsáŋggus.

Samisk språkarena

Háliidit oahppat sámegiela

Foto: Arne Ivar Johnsen / Nrk

Njeallje nissonolbmo geat ásset Billávuonas ja Áigiris Porsáŋggu gielddas leat álggahan sámi giellaarena. Ulbmilin dainna lea oahppat sámegiela maid dáruiduhttináigi sis rievidii. Dá gieskat deaivvadedje sii Áigira giliviesus gosa maiddái oasseváldit ledje váldán mánáid mielde.

Aktører samisk språkarena

Giellaarena álggaheaddjit: Ragnhild Willersrud, Marit Olsen, Kari Olli, Marte Eliassen ja su nieiddaš Astrid Oline

Foto: Arne Ivar Johnsen / Nrk

Giellafáttar

Olmmoš gii ii máhte sámegiela oažžu veahkki giellafáddaris. Sámi giellaarenas Áigiris leat sii geat máhttet giela giellafáttarin sidjiide geat dárbbašit veahkki oahppat sámegiela. Dát lea dehálaš bargu ja okta sis muitala ahte son guhte dárbbaša giellaveahkki oačču váldit suinna oktavuođa leaš dal idja dahje beaivi. Sámi giellaarena čohkke olbmuid oktii mánus ja deaivvadanbáiki sáhttá rievdat mánus mánnui

Giellapolitiija baldá

Dán vuosttaš deaivvadeamis serve 14 ollesolbmo ja álggaheaddjit sávvet eambbosiid dađistaga searvat. Olbmuin lea goitge okta gáibádus ja dat lea ahte eai hálit giellapolitiija searvat sin deaivvademiide. Dákkár giellabearráigeahčči bilida giela ovdáneami ja dat moive eanet go veahkeha. Álggos dán jearahallamis muitala Kari Olli manin sii giellaarena leat bidjan johtui.