Alex Scherpf jápman
Beaivváš Sámi teáhtera ovddeš hoavda, Alex Scherpf, lea jápmán, ievttá eahketbeaivvi. Scherpf lei bajásšaddan Duiskkas, muhto fárrii logi jahkásažžan Kristiansandii Norgii. Maŋŋá go válddii teáhteroahpu, de son lea regisevrren máŋga teáhterbihtá iešguđet Norgga teáhteriin. Son lea leamaš maiddái Agder Teatera hoavda, ja lea ožžon máŋga bálkkašumi iežas barggu ovddas. Maŋimuš áiggi Scherpf lea guhká dorron borasdávdda vuostá. Scherpf jámii 59 jagi boarisin.