Miessemánus dat vulget 15 sámi lávdedáiddára ávvudit eamiálbmot-dáidagiid Scandinavia Housii New Yorkas. Dát mátki lea sámi dáiddáriid vuosttáš lávki prošeavttas man áigumuš lea čájehit sámi lávdedáiddalašvuođas olles máilbmái.
Sii áigot ieža čájehit sámi lávdedáidagiid
New Yorka álbmot galgá beassat oaidnit albma sámi dáiddáriid lávddis. Sii áigot čájehit veaháš makkáraš lávdedáidadiid, nugo teáhtera, dánsuma, muitalit muitalusaid, juoigat, lohkat divttaid ja čájehit oanehis filmmaid. Earret eará čájehit Elle Sofe Henriksena dánsunbihttá, sus lea dánsár doppe, ieš ii gal šatta searvat dán mátkái.
Sámi Teáhtersearvi lávke stuorát máilbmái
Sámi Teáhtersearvi álggii doaimmas 1980, ja das leat mielahttut Norggas, Suomas, Ruoŧas ja Ruoššas. Searvvi miellahttuid oaidnit muhtimin Beaivváš Sámi Teáhtera lávddis, Girona Sámi Teáhteris Ruoŧas ja Åarjelsáemien teateris Muoffis. Miellahttut leat sihke kostymagoarrut, bagadallit, teknihkárat, dramatihkarat ja neavttárat. Dál vulget sii stuorát máilbmái čájehit čielgá sámi lávdedáidagis, muitala Sámi Teáhtersearvvi "Verden vil ha samisk kunst" prošeaktajođiheaddji Sara Margrethe Oskal.
Sámi Teáhtersearvvi dáiddárat mannamin čájehit iežaset dáiddalašvuođas New Yorkii
