NRK Meny
Normal

Áivan

Buoremus sámi rap’a galgá oidnosii, danne gávdno Áivan!

Áivan
Foto: Privat

Áivan lea sámi rap joavku. Don it soaitte gullan Áivan joavkku birra ovdal, muhto soaittát gullan B.W.A. birra? Sámi rap joavku B.W.A. (Born With an Attitude) lea rievdán Áivanin dan dihte go sin mielas heivii dat buoret sin áibbas čielga sámi jovkui. Ja Áivan (dárogillii: utmerket red.anm.) lea ge sin mielas buorre namma dan dihte go sii ráhkadit iežaset mielas dan buoremus musihka iežaset musihkka vuogádagas, “sámi rap”.

Áivan
Foto: Privat

Sii leat čuojahan fárrolaga máŋga jagi ja juo 2005:as lei sis vuosttáš konsearta, dalle B.W.A’an. Inspirašuvnna sii ožžot ge iežaset birrasis, ja iežaset eallimin. Dat lunttat háliidit ahte sámi rap galgá oidnosii, ja dieđusge ahte sin mielas dat buoremus sámi rappa, dat maid ieža ráhkadit galgá joksat olu olbmuid!

Buot lávlagiid maiguin servet gilvui leat sii ieža ráhkadan ja buvttadan iežaset studios, ruovttus!

Gula: Go Isak Ailo Gaup Áivan joavkkus muitala ákkaid manne guldaleaddjit galget sin jienastit.

Áivan
Foto: Privat

Jovkui gullet 3 davvi sámi bártni, muhto guoktásis lea maid gullevašvuohta julevsápmái! Sii leat: Isak Ailo Gaup, 24 jagi,Johan Anders Paulsen, 24 jagi,Håvard Sara, 23 jagi

Áivan
Foto: Privat