Ain uđasvárra Finnmárkkus
Lea ain uđas várra ollu sajiin Finnmárkkus. Oarje-Finnmárkkus lea uđasvárra guvtteš dásis. Dat mearkkaša ahte várrevilttiin ja rámain sáhttá čuoigi dahje skohtera geažil luovvanit muohta ja fierrat uđasin. Maŋŋá borggaid, biekkaid ja bivvaliid, de fertet váruhit gokko johtit, erenoamážit amas guovlluin, ávžžuhit Varsom.no neahttasiiddus.