Ain sullii 40 dorvoohcci vuordimin
Njávdán gaskaboddosaš vuostáváldinbáiki Mátta-Várjjagis Nuorta-Finnmárkkus, livččii álgoplána mielde galgan gurrejuvvot juo guovtti vahku áigi. Muhto doppe leat ain sullii 40 dorvoohcci dan geažil go Olgoriikkalaččaiddirektoráhtas lea leamaš váttis sidjiide gávdnat dábálaš ássansajiid eará guovlluin Norggas.
Maŋimuš diehtu lea ahte dorvoohccit soitet gártet guođđit Njávdáma ihttin, muitala vuostáváldinbáikki beaivválaš jođiheaddji Heidi Olsen.