Áigot digaštallat dili
Norgga ráđđehus áigu oktii vel digáštallat álgoálbmogiid dili ja organiserenefriddjavuođa Ruošša eiseválddiin, go boahtte háve deaivvadit riikaidgaskasaš čoahkkimis, cealká Norgga olgoriikadepartemeanta. Aittobeliid válddii Ruošša politiija fáhkkestaga gitta ruošša álgoálbmot ovddasteaddji Rodion Sulŧandzia ja dutkkahedje su mánga diimmu guovtti beaivvis. Son massii de measta olles seminára maid galggai leat mielde lágideamen. Son beasai dutkamiin eret mánnodaga muhto Norgga eiseválddit áigot dárkilit čuovvut movt suinna manná, dieđihit departemeantta diehtojuokinossodaagas.
