NRK Meny
Normal

Adnonbiilla gávppašan rávvagat

Ollu rávvagat dán olbmos ovdal go manat oastit adnonbiilla.

Bilvrak
Foto: Martin Mortensen / NRK

Juohke jagi oažžu Geavaheaddjiidráđđi ollu gažaldagaid olbmuin, geat leat oastán adnonbiila, ležžet dal oastán biilagávppis dahje priváhtta olbmos, ja geat leat dovdan iežaset fillehallan gávpealbmái.
Oastit adnonbiilla sáhttá leat buorre gávpi, muhto dađibahábut de lea álki dagahit iežas váttisvuođaide, jos biilla šaddá divuhit.
Ovddeš vuodjinskuvllaoahpaheaddjis Kjetil Eikjokas, gii dál ássá Kárášjogas, sus leat ollu ráđit dutnje, guhte áiggot oastit biilla.