«Vi lover et helvete» váldoneavttár lohpida ollu dráma
Gaskavahko lágiduvvui premierefeasta ođđa NRK-ráidui, «Vi lover et helvete». Váldoneavttár Aili Kristine Kalak Eira lea ilus go tv-ráidu viimmat almmuhuvvo.
Son lohpida hui ollu drámá, muhto maiddái dehálaš fáttaid.
– Lea hui buorre ja dehálaš ahte NRK čalmmustahtte dáid áššiid ja čájeha Norgii mo mii boazosápmelaččat eallit, dadjá Aili Kristine.
TV-ráidu lea oaidnin láhkai duorastaga rájes, sihke NRK TV:s ja NRK1:is dii. 22:00.