–Sápmelaččat eai leat ruoŧŧilaččat
Álbmotriektejurista Mattias Åhren doarju Ruoŧademokráhtaid bellodatčálli Bjørn Södera guhte oaivvilda ahte sápmelaččat eai leat ruoŧŧilaččat.
– Sámediggi han lea ásahuvvon dan geažil go mii leat sierra álbmot. Mis leat maid oahpahusvuoigatvuođat iežamet gillii ja eana- ja čáhcevuoigatvuođat ja danne mii leatge sierra álbmot, čilge Åhren. Justa dán áššis son doarju Ruoŧademokráhtaid, muhto muđui gal ii.
Olusat leat reágeren ja čuoččuhit Bjørn Södera viggamin vealahit sápmelaččaid go oaivvilda ahte sápmelaččat eai leat ruoŧŧilaččat.