“Ellos eatnu – La elva leve” árvvoštallan
Filmpolitiet árvvoštalli lea geahččan “Ellos eatnu – La elva leve” filmma ja jáhkka filmma buktit ovdan dáhpáhusaid maid ollugat eai leat vajálduhttán, dáistaleamis badjelaš 40 jagi áigge. NrK P3 Filmpolitiet árvvoštalli Birger Vestmo addá viđeža filbmii mii ikte lei rahpanfilbma Romssa Internasjonála Filbmafestiválaš. Dát filbma lea maid kinos oidnomis guovvamánu goalmmát beaivve rájes. Min neahttasiiddus logat olles árvvoštallama.