Čáhceborga TV-buhtadeamis

TV2-filbmejeaddjit fitne Guovdageainnus programma ráhkadeamen, muhto ii buot mannan nu go ledje jurddašan.

Mikkel Jonas Eira tipper med vanncross-skuteren i Kautokeinoelva.

Čáhcecrossavuddjiid lei álki jearrat TVii searvat.

«Nabolaget» prográmmajođiheaddjit Gunhild Dahlberg ja Marthe Sveberg mátkošteaba Norgga guhkkodahkii vuoitti ránnjáid luhtte. Sudnos lea mielde Alex Rosén gii sávvá lihkusávaldagaid sidjiide geat ain vuitet.

Márkanis gullostii ahte beakkálmasat Alex Rosén ja Simona Máhtte galgaba gilvalit čáhcecrossa-skohteriiguin.

TV2-programmajoavku guossástallet su dahje sin geat vuitet miljovnna ruvnno

«Nabolaget» lea ovttasbargu gaskal Norsk Tipping ja spealu «Nabolaget», mas ránnjá maid vuoitá jus don vuoittát. Ja jus don vuoittát, de vuoitá du ránnjá maid.

Čáhceborga

Filbmejeaddjit leat fitnan máŋgga sajis Guovdageainnus ja ledje jearran čáhcecrossa-vuddjiin ahte eai go sii boađe etnui vuoddjit.

Sin ii lean váttis oažžut mielde dása, ja bártnit ledje ge eatnogáttes juo ovdal TV2-bargiid.

Mikkel Jonas Eira lei skruvvemen iežas čáhcecrossa-skohtera go NRK Sámi-journalista olli.

«Nabolaget» prográmmajođiheaddjit Gunhild Dahlberg muitalii ahte dađi bahábut eaba galgga beakkálmas-guoktá gilvalit, muhto sis lei plána gárvvis.

Eira ja su olbmát vuodjigohte skohteriiguin go ožžo dieđu, muhto fáhkkestaga bávkkehii juoga eanu nalde.

Geahča video.