Dál áigu ministtar sáhkohit sin garrasit jus eai njuova dan made bohccuid ahte ollejit mearriduvvon boazolohkui. Eanadoalloministtar Sylvi Listhaug lohká ahte sáhkut galget spiiddet.
Miljon kruvdnosaš sáhku
Mikkel Mathis M. Eira gii gullá Ábborášša orohahkii, sáhttá gártat máksit 140.000 kruvnno mánnosaččat jus ii njuova dan lohkui mii lea mearriduvvon. Oktiibuot sáhttá sáhkku šaddat miljon kruvnno.
Su orohat lea daid gaskkas gos boazolohku ii soaba dainna maid eiseválddit leat bidjan.
Eira navdá son nagoda duhtadit eiseválddiid.
Almmuha boazologuid
NRK almmuha otne loguid mat čájehit ahte ollu badjeolbmot leat lasihan bohccuid maŋimuš viđa jagis. Dát lea erenomážit dáhpáhuvvan orohagain gos leat ollu bohccot ovddežis. Maiddái Eira lea dahkan dan.
Ollislaččat lea orohagain gos lohku lea lassánan, dagahan ahte bohccot leat gehppon. Ministtar Listhaug, dieđiha dál ahte dán ii sáhte šat dohkkehit.
- GULDAL ÁŠŠI: