– Oažžu go son bivdoguovllu, vai ii?

Ealgabivdi lohká iežas massán veaháš luohttámuša FeFo:ii.

Roy Johnskareng

Roy Johnskareng behtohallan FeFo vuorbádemiin.

Foto: Johan Ante Utsi / NRK

Ealgabivdi Roy Johnskareng lei ohcan ealgabivdoguovllu Anárjoga álbmotmeahcis, muhto Finnmárkku opmodat ii juohkán dan guovllu oktiige. Dás ii ádden Kárášjoga ealgabivdi olu.

Mannan bearjadaga vuorbádii Finnmárkkuopmodat ealgabivdoguovlluid.
Roy Johnskareng ii ádde manne son ii ožžon bivdoguovllu, go su joavku han lei dat áidna gii lei ohcan Anárjoga álbmotmeahci Giellasanjoga guovllu.

– FeFo ii leat čuvvon njuolggadusaid

Anders Ims, FeFo

FeFo meahccehálddašeaddji Anders Ims.

Foto: Camilla Brækken/FeFo

– Olmmoš massá veaháš luohttámuša, nu mot sii láhttejit ja mainna lágiin sii vuorbádit, dadjá Johnskareng.

Johnskareng oaivvilda ahte Finnmárkuopmodat ii leat čuvvon njuolggadusaid.

– Čoavdit álkit dán ášši

FeFo meahccehálddašeaddji Anders Ims ii leat vástidan telefuvnna muhto čállá teakstadieđus ahte sii eai leat fuomášan Johnskarenga maŋemuš bivdoguovllo vuoruhemiid, ja lohká álkit čoavdit dán ášši go ii han dan bivdoguvlui lean okta ge eará bivdojoavku ohcan.

Guldal olles ášši: