Vuotnaguolástuslávdegoddi lea ásahuvvon áimmahuššat guovllu olbmuid beroštumiid. Ja go guolit mat leat vuonaid siste, leat ealihan guovllu olbmuid áiggiid čađa, de han dát orgána berrešii oažžut mearridan válddi, čilge Olsen.
– Ii galgga dakkár váldi
Muhto Olgešbellodaga, ráđđehusbellodaga guolástusáššedovdi, stuorradiggeáirras, Frank Bakke Jensen, ii loga leat riekta addit lávdegoddái eambbo válddi go maid lea ožžon.
Ja jus Stuorradikkis gávdnošii muhtun guhte sáhtášii ovddidit Bivdi evttohusa, de ii jáhke dákkár árvalusa oažžut eanetlogu, oaivvilda Jensen
– Dasa lea nana politihkalaš vuođđu ahte guolástusriggodagat galget hálddašuvvot riikkadásis ja danne han sii geavahitge nášuvnnalaš ásahusaid dan stivret ja de leat sii vel mearridan Guolástuslávdegotti dasa ráđđeaddin, lohká Jensen.
- Guldal ášši: