Bivdoearri dán jagi lea beannot čuođi čáhcelotti.
Norgga sámiid riikkasearvvi sámedikkeáirasa Inger Elin Utsi mielas lea bivdoearri beare unnán ja son jearrá lea go son dát dan dihte vai dát árbevierru oalát jávkkašii. Son dáhtu dál sámedikkeráđis veahki lasihit eari.
Stuorra erohusat
Go buohtastahttá giđđaloddeme ja čakčaloddema de leat stuora erohusat. Čakčaloddemis eai leat eari galle lotti beassá báhčit ja dasa lassin leat eanáš čáhceloddešlájat.
Norggas godde diibmá lagabui 13.000 duorššu. Finnmárkkus godde bealguđat čuođi (550) lotti, dás 80 haŋŋá. Guovdageainnus eai beasa bivdit haŋŋá eaige skoara. Dán sáhtašedje maid eiseválddit rievdadit oaivvilda Inger Elin Utsi.
Giđđat galggaše beassat bivdit seamma loddešlájaid go čakčat
Sámediggi ráđđádalai Birasgáhttendirektoráhtain diibmá giđđaloddema, muhto eai ožžon buot árvalusaid dohkkehuvvot.
Sámedikki mielas berreše seamma loddešlájaid beassat bivdit giđđat go čakčat, dasalassin berre leat vejolašvuohta lasihit bivdoeari dadjá ráđđelahtu, Thomas Åhren.
Dološ sámi árbevierru
Giđđalodden lea dološ sámi árbevierru ja Sámediggi áigu nu jođánit go vejolaš ráđđádallat birášgáhttendirektoráhtain dadjá Sámedikkeráđđelahttu Thomas Åhren.