Finnmárkkuopmodat lea sádden strategiijaplánastis gulaskuddamii buot suohkaniidda. FeFo stivra lei dan oktavuođas bovden Ávjovári álgoálbmotguovllu suohkaniid bovden čoahkkimii, gos lei áigumuš dieđuid juohkimis ja oččodemes mearkkašumiid. Suohkaniid ovddasteaddjit eai gal lea áibbas duhtavačča FeFo ásahusain, ja váillhedje eanet ja čielga dieđuid maid sii áigot.
Láigolažžan iežas guovllus
Porsáŋggu gielda luobai diibmá ávjovári álgoálbmotguovllu ovttasbarggus, go gielda oaivvildii ahte ovttasbargu ii ollášuhttán sin vuordámušaid. Dál lei Porsáŋggu ođđa sátnejođheaddji, Aina Borch (Bb) searvan čoahkkimii, ja celkkii ahte Finmárkolaččat dušše šaddet leat láigolaččat iežaset guovllus. Dán son dagai vai čalmmustahttá ahte dálá dilli dagaha eahpesihkárvuođa eatnamiid oasmasteami ektui.
FeFo stivrajođiheaddji, Raymond Robertsen, gal ii mieđa Porsáŋggu sátnjođiheaddji cuiggodemiide. Son dadjá ahte odná dilli han dagaha Finmárkolaččaide vejolašvuođa háhkat eanamiid mihá hálbbibui, go jus livžže daid šaddan oastit. Robertsen dadjá ahte eatnasat Finnmárkkus leat duhtavačča odná diliin