Porsáŋggu gielddastivrra unnitlohku ii jáhke gal gieldda nákcet seastit nu olu go áiggošedje go doalahit giliskuvllaid.
Vuoittáhalle bušeahtaáššis
Ovddádusbellodaga Torgeir Thomassen gii ovttas Gurutbellodagain vuoittahalle bušeahttaáššis, lea beahtahallan.
– Mon in jáhke ahte mii nákcet seastit nu ollu go leat árvalan, danin ii dohkket gal Finnmárkku fylkkamánne dán bušeahta. Nu lohká Torgeir Thomassen.
Leaibevuona ja Bissojoga skuvllaid ledje árvalan heaittihit, ja nu ii lean go Billávuona skuvla báhcit giliskuvlan.
– Buorre mearrádus
Porsáŋggu gielda ferte ain gávdnat gokko galget seastit dán jagi.
– Lei dárbu doalahit giliskuvllaid, dasa lea eanetlohku čielgasit bargan, ja árvalusa lea eanetlohku doalahan. Nu lohká Porsáŋggu sadjásaš sátnejođiheaddji, Bargiidbellodaga Kåre Olli.
Šaddet muhtin seastimat
Vaikke vel giliskuvllat doalahuvvojitge, de šaddet skuvlamánát gillát go gielda ferte seastit 20 miljovnna kruvnna dán jagi.
Leavnnja skuvllas galget seastit badjel miljovnna kruvnna guovtti jagis. Muđui šaddet Leaibevuona nuoraidskuvlla oahppit sirdit Billávutnii ja Bissojoga nuoraidskuvlla oahppit ges Levdnjii.
Kåre Olli vuordá maid veahki ráđđehusas gieldda ekonomalaš dili čoavdit.