NRK Meny
Normal

– Deatnu lea sealggaheapmi

Joddo-prošeavtta stivrrenjoavkku ovddeš lahttu, Aage Solbakk, moaitá garrasit dan go Deanu gielda ii vel leat sealgan sáddet ohčamuSa Sámediggái.

Historihkár Aage Solbakk ii jáhke diggeášši dagahit sámiid ovdii

Joddo-prošeavtta stivrrenjoavkku ovddeš lahttu, Aage Solbakk moaitá gieldda go njozohallet.

Foto: Nils Henrik Måsø / NRK

GULDAL: -Deanu gielda sealggaheapmi

– Jus dát livččii leamaš Kárášjoga ja sin sátnejođiheaddji Kjell Sæthera hálddus, livččii dat áigá juo jođus. Sámediggi livččii áigá juolludan ruđaid ja departemeanttat livčče maid áigá juolludan ruđa, dadjá Solbakk.

Prošeavttain áiggoše ásahit luossabivdo- ja johkasámi kulturguovddáža Detnui. Ovddeš stivrrenjoavku lea badjel jagi áigi geigen plánaid gildii vai sáhttet ohcagoahtit ruđaid. Seammás gielda ásahii ođđa stivrenjoavkku mas sátnejođiheaddji Frank Ingilæ lea jođiheaddjin.

– Dát lea njulgestaga šaddan heahpadin, dadjá Solbakk.

Ievttá ođassáddagiin Norgga Sámedikki várrepresideanta Laila Susanne Vars, geažuhii ahte Sámediggi gal lea gárvvis juolludit ruđaid beare Deanu gielda sealgá sáddet ohcamuša.

LOGA MAID: Rahčet Joddu-guovddáža ruhtademiin

Sátnejođiheaddji Frank Ingilæ ii sáhte vástidit goas gielddas lea sáddenládje ohcamuš:

– Eat leat vel ohcan dan geažil go eai leat vel nagodan mearridit mii guovddáža sisdoallu galgá leat, muhto guovtti jagis mis lea gelbbolašvuođaoassi gárvvis, dadjá Ingilæ.