NRK Meny
Normal

– Ávvir ii doala lohppádusaid

Sámi journalisttaoahpahusa ovddeš jođiheaddji Torkel Rasmussen ii loga Ávvira doallat lohppádusaid lohkiide.

Ávvir - første nummer
Foto: Eilif Aslaksen / NRK

– Ávvir bargit fertejit dál albma journalistálaš barggu čađahit, čuovvut mielde servvodatáššiin, rávve Torkel Rasmussen.

Eai fuopmá áššiid

Ovddeš Sámi journalisttaoahpahusa jođiheaddji ja Min Áiggi journalistta Torkel Rasmussen váillaha áviisa buvttaduvvon áššiid.

– Ii berre leat dárbu eará mediijaid čállosiid váldit áviisi, dál berrejit journalisttat fuopmát áššiid, oaivvilda Rasmussen.

Buoredeamin áviisa

Ávvira váldoredaktevra Ánte Bals lea muhtinmuddui ovttaoiavilis cuiggodemiiguin. – Eat leat buot mihttuid olahan nu go leat sávvan, muhto mis leat jođus barggut redakšuvnnas mas leat buoredeamin ja heiveheamin bargguid, nu ahte olahat mihttut beaivválaš sámegiel áviisan, lohká Ánte Bals.