– Áibbas dohkketmeahttun go hotealla lásse heahteuvssa ihku

Scandic hotealla Kárášjogas lásse hotealla heahteuvssa ihkku sihkarvuođa dihte. Áibbas dohkketmeahttun, dadjá Kárášjoga buollindustehusa hoavda.

John-Arne Mathiesen

Dán lássejuvvon uvssas eai hotealla guossit beasa ihkku olggos jus heahtedilli čuožžila.

Foto: Heaika Nilsen Skum / NRK

Maŋŋilgo gárrenolbmot leat doaruhan ja givssidan Kárášjoga hotealla bargiid ja gussiid, de lea hotealla máŋggaid jagiid idjii lássen hotealla váldouvssa.

Dán mieđiha hotealla direktevra, John-Arne Mathiesen NRK Sápmái.

Váldouksa lea maiddái hotealla heahteuksa gokko olbmot galggašedje beassat olggos jus dáhpáhuvvá heahtedilli.

Mathiesen muitala ahte idjabargis lea čoavdda ja sáhttá rahpat uvssa.

– Dohkketmeahttun

Brannsjef Alf Isaksen må forklare seg for ledelsen i Karasjok kommune.

Buollindustehusa hoavda lea dáhtton hotealla dán nulget.

Foto: Eilif Aslaksen / NRK

Kárášjoga dollačáskadanhoavda, Alf Isaksen, gal ii leat duhtavaš dáinna diliin go gulai ášši birra, ja čuojahii dakkaviđe hotellii ja gáibidii dán farggamusat njulgejuvvot.

Journalista, Heaika Skum lea jearahallan buollindustehushoavdda

— Mun healkkehin go gullen movt hoteallas lea, lohká Isaken.

Son mieđiha maid, ahte eai dáidde leat doarvái dárkilit dárkkistan dien uvssa, go hoteallat dábálaččat dien beali ieža leat dárkkistan.

Alf Isaksen muitala ahte uvssa galgá sáhttit rahpat almmá čoavdaga haga jus heahtedilli čuožžila.

Son lea váldán oktavuođa hoteallain ja gáibidan eará ja lobálaš čovdosa vai guossit sáhttet uvssa rahpat jus heahtedilli čuožžila.

Korte nyheter

  • Riddu Riđus doalut

    Riddu Riđu lea ráhkkanišgoahtán boahtte gease doaluide sámi lágidemiiguin sihke Olmmáivákkis ja Romssas. Katarina Barruk, stand up šovva Reaškkas ja juovlakonsearta Kajsa Baltoin, dan fállet ovdal juovllaid. Boahttevahkkus besset olbmot Olmmáivákkis vásihit Katarina Barruka ja su joavkku.

    Katarina Barruk
    Foto: NRK
  • Ruhta sámi girječálliide

    Sámediggeráđđi lea juolludan 250 000 ruvnno searvái Foreninga Samiske Forfattere/Searvi sámi girječálliide. Ruđat galget mannat searvvi doibmii. Searvi vuođđuduvvui 2019:s, ja lea rabas buot sámi girječálliide, sihke čáppagirjjálašvuođas ja fágagirjjálašvuođas, beroškeahttá gielas. Searvvi áigumuš lea ovdánahttit sámi girječálliid ja sámi girjjálašvuođa. Searvvis lea leamaš alla doaibmadássi juo ásaheami rájes, ja dat bargá viidát girjjálašvuođa oktavuođas. Dan čállá Sámediggi preassadieđáhusastis.

    Det stemmes i plenumssalen på Sametinget
    Foto: Dan Robert Larsen / NRK
  • Eai jáhke dálkkádatrievdamiidda

    Juohke guoktenuppelogát norgalaš ii jáhke, ahte olbmot dagahit dálkkádatrievdamiid maid vásihat miehtá máilmme. – ONa dálkkádatdutkit navdet olbmo sáhttit rievdadit dálkkádaga. Dat gal ii leat vejolaš, lohká juoigannásti Johan Anders Bær. Son navdá beaivváža ja luonddu stivret dálkkádaga, iige olmmoš.