PÅ NORSK:
(Muitaleaddji: Ole Henrik Gaino)
Mun áigon muitalit veaháš dološ gumppefearaniid dáppe Láhpoluobbala birrasiin. Mun muittán daid go mun ledjen, ná ledjen mánnán dalle go álgen jo rávásmuvvat, lávejedje gumppet nu eatnat dáppe de. Go mii leat mánát čierasluohkás mii, čierasteame eahkes, go lea veaháš fiertu, buolaš dálki, de mii gullat gumppet holvot doppe váriin birra dákko dan Láhpoluobbala.
Ja, mii leimmet nu árggit, láviimet ballat, mii gal mánát, dain gumppiin. Dain lea fasttes jietna ja dat lea, gohčodit valvin go leat vihtta-guhtta fárrolaga. Dat ledje nie dalle.
Ja gumpe lea dakkár go boahtá olbmuid láhka dat bidjá njuni muohttát sisa ja holvu, ja dat orro dan olbmo mielas hui guhkkin, doaivu dat lea guhkkin vaikko lea lahka. Ja mánát mii gal leimmet dieđusge dan gullan ja de mii gal báhtarat vissui, ballát go gullat gumppejienaid.
Ja dain min olbmuin ledje hearggit dalle fievrun. Dat ledje gitta, dat vedde daid herggiid doppe veahá doaresbealde ja gumppet ledje nu olu ahte dat fertejedje bidjat gavnnjaid birra dakko, daid herggiid, go dat leat doppe. Ja boares biktasiid, gávttiid ja diekkáriid. Dat sáhtte boahtit ja gitta herggiid borrat ja dat dáhpáhuvai maid nu.
Dat leat dat boares olbmot, mat leat muitalan midjiide ahte gumppes lei – dat lei gal luohti, muhto mun in gal máhte ja ovcci vuomi njolgá ja dat lávejedje juoiggadit, muhto mun in máhte dan luođi gal. Muhto mun lean maŋŋel leamaš dakkár barggus, gos dan lean vásihan dan ahte gumpe manná jándoris – gal dat manná measta (goasi) ovcci vuomi jándoris. Ja dat stemme (doallá deaivása) diet luohti, máid dološ olbmot leat muitalan, mun jurddahin de maŋŋil, go lean bargan dainna – dan barggus.