– Gal dát lea stuorra šibitvahát, lohká suorganan boanda.
Politiijaide bođii diehtu buollima birra badjelaš guoktenuppelot áiggi.
Sihke politiijat, buollindustehus ja ambulansa bohte báikái dalá maŋŋá.
Muhto go buollindustehus joavddai, de lei jo návet njivžudola hálddus. Sii eai sáhttán šat gádjugoahtit eanet šibihiid eret visttis.
Ieš boanda ii oro roasmmohuvvan moge, muhto su dili lea doavttir geahčadan
lagabuidda.
Bárdni fuobmái
Buollin álggii láđobealde ja bárdni dat fuobmái dan návehis barggadettiin. Lagabui logi guiggu ja gálbbi fidnejedje heggii. Eanaš šibihat – 30 mielkegusa bulle sisa.
Politiijabálvá Tommy Mikalsen, muitala iežaset deaivan soaittáhagas dakko lahkosii, go diehtu bođii buollima birra. Danne sii eai ádjánan joavdat buollinbáikái, ja sáhtte leat veahkkin gádjumin šibihiid eret dan buolli návehis.
Buollinsivva eahpečielggas
– Mii guorahallagoahtit ášši dábálaš vuogi mielde dalán go lea vejolaš, lohká Mikalsen.
Buollán návet lea Juovlavuonas, sullii 5 miilla eret Deanu šaldis, Nuorta-Finnmárkkus.
- Guldal ášši: