NRK Meny

12 lábbá goddon

Politiijat leat váldán giddagassii guokte beatnaga Ráissavákkis, davviromssas. Beatnagat galgaba goddán golbma lábbá ja sorbmen 15 maŋŋit ikte eahket. Ovcci lábbá šattái šibitdoavttir goddit go ledje nu bahut sorbmašuvvan, čállá VG-áviisa. Beatnagat leigga beassan luovos ja fallehan sávzačorragat návetdoalu bálddas. Dál galgá politiijajuristta árvvoštallat beatnagiid ráŋggaštusa bahudaga ovddas, čilge Romssa politiijaguovllu operášunjođiheaddji, Stine Svendsen.