Ráhkadit oktasašlisttu
Romssa ja Finnmárkku Guovddášbellodagat leat dál álgán ráhkadit oktasašlisttu fylkadiggeválggaide mat leat boahtte čavčča. Skábmamánu lea Romssas nominašuvdnačoahkkin. Guovddášbellodat lea hirbmat vuosttá dan go áigot bággoovttastahttit Romssa ja Finnmárkku. – Jus Stuoradiggi ii rievdat oainnu dán áššis, de lea dehálaš leat gearggus ahte sáhttá šaddat ovttastahttin, dan dadjá Romssa Guovddášbellodaga fylkajođiheaddji Svein O. Leiros.