– Gállogis lea maiddái sáhka sisabáhkkemiin eatnamiidda, oaivvilda Larsen.
Álggus dán vahkkus šadde 6 áktivistta giddagassii go ovttas eará miellačájeheaddjiiguin čájehedje vuostteháguideaset plánejuvvon ruvkedoaimmaide.
Birrasiid 20 politija, helikoptervehkiin, bissehedje ákšuvnna ja dolvo aktivisttaid eret, geat vuosttaldit ruvkeálggaheami máid Jokkmokk Iron Mines lea ožžon guovllus. Lagabui golbmaduhat tonna ruovdemálmma dat leat ožžon roggat, mii čuohcá guovllu olbmuide ja guovtti čerrui.
– Eai beassan mielde plánemis
Larsen muitala ahte boazodoallit, geat geaváhit guovllu, ja Ruoŧa Sámediggi, eai leat beassán searvát ja váikkuhit ruvkedigáštallámiidda.
– Mun ávžžuhan Norgga Olgoriikadepártementa šiehtadallát Ruoŧa eiseváldiiguin vái doahttalivčče addit ruoŧabealsápmelaččaide álgoálbmotstáhtusa ja siinguin hupmát ovdal go bohkkánlobit addet. Eat leat ožžon Olgoriikadepartementa dahje ruoŧa eiseváldiid ságaide.