NRK Meny
Normal

- Mii leat vuordán máŋganuppelot jagi

 - Min mielas orru mii leat  dájuhuvvomin. Beannot jagi áigi lohpidedje huksema álgit borgemánus, muhto ii leat mihkkege geavvan, lohká Berit Hætta Utsi.

Mázes vuordán guhká
Foto: Piera Balto / NRK

 Máŋganuppeloht jagi leat Máze boarrásat vuordán oažžut iežaset dálu.

Diibmá mearridii Guovdageainnu suohkan huksegoahtit Máze bo- og aktivitetsenter, mii lea sierra doaibmaguovddaš vuorraset olbmuide.

  GULDAL: Boarrásiid viessohuksen

- Mearrádus čuožžovaš

Guovdageainnu suohkanstivra mearridii diibmá huksegoahtit sierra viesu Máze boarrasiidda.

Viessu galgá leat sihke orrunbáiki ja doaibmaguovddaš, ja dákkár viesu leat Máze boarrasat juo máŋganuppeloht jagi vuordán.

- Ođđa njuolggadusat

Tore Turi lea viesu huksenjoavkku jođiheaddji.

Son muitala ahte viessohuksen lea maŋiduvvon danin go Viessobáŋkkus leat ođđa njuolggadusat.

- Suohkan seastá ruđaid

- Mii mearrideimmet maŋidastit huksema veaháš go suohkan sáhttá tiinet ruhtalána daid ođđa njuolggadusaid geažil, lohká Turi.

Turi lohpida datte ahte  Máze boarrásiid doaibmaguovddaš gárváná beassážiidda boahttejagi:

 

- Mávssolaš boarrásiidda

Berit Hætta Utsi lohká vuorraset olbmuide Mázes dehálažžan oazzut dákkár viesu: