NRK Meny
Normal

- Apartheid stivra Finnmárkkus

- Dan sáhttá lohkat go oaidná ahte Finnmárkku Opmodaga (FO) stivre unnitlohku, lohká Ovddádusbellodaga stuorradikkeáirras, Jan-Henrik Fredriksen.

Jan-Henrik Fredriksen (Frp)
Foto: Knut-Sverre Horn / NRK

- Mii han diehtit ahte FO hálddaša 96% Finnmárkku eatnamiin ja seammás lea unnitlogus eanaš dadjamuš dan stivrras, lohká Fredriksen.

Bargiidbellodaga sámedikkeáirras ja FO stivralahttu, Egil Olli lohká suorggahahtti go Ovddádusbellodagas leat dákkár oaivilat Finnmárkku álbmoga ektui.

  GULDAL: Apartheid stivre Finnmárkku

- Badjilbávtte ságat 

- Dát lea dieđusge nu badjilbávtte ságat ahte ii gánnáhivčče oba fástidit ge, muhto boasttu diehtojuohkima ii sáhte eambbo diktit orrut. 

Finnmárkkus gal diehtá juohkehaš ahte nie ii leat dillli.  Muhto dat lea hui vearrái go stuorradiggeáirasat álget boasttudieđuid addit álbmogii. Dahku čájeha beare dalle mii ovddádusbellodat duođaid lea, lohká Olli.

- Buorre ovttasbargu FO:s

- FO stivrras lea mis buorre ovttasbargu ja mu mielas gal ii leat nu ahte sápmelaččat dat stivrejit Finnmárkku. 

Egil Olli har fått skjøtet over Finnmarks eiendom
Foto: Inger Elin Utsi / NRK

Muhto ovddádusbellodaga politihkka lea ge ahte balddáhaddat álbmoga ja addit áibbas boasttu gova das mii dáhpáhuvvá dál Finnmárkkus, ja erenoamážit olggobealde Finnmárkku, lohká Olli.. 

- Ealáhusat eai ovdán

Fredriksen ballá ahte eanetlohku Finnmárkkus ii beasa váikkuhit dehálaš áššiid mearrádusaide.

- Dalle sáhttá geavvat nu ahte suohkanat ja ealáhusat eai beasa ovdánit iežaset plánaid mielde guhkit áigái, erenoamažit daid guovlluin gos ealáhusat dárbbašivčče eanet eatnamiid, lohká Fredriksen.