Biden varslar strengare våpenlover
USAs president Joe Biden ber Kongressen starte arbeidet med strengare våpenlover. Han vil ha forbod mot sal av automatvåpen, bakgrunnssjekk før alle våpensal og slutt på strafferettsleg immunitet for våpenprodusentar.
Det skjer på dagen tre år etter skuleskytinga i ein vidaregåande skule i Parkland i Florida.
Separatistar styrkt i Catalonia-val
Det ligg an til at partia som vil lausrive Catalonia frå Spania, vinn fleirtalet av plassane i regionalforsamlinga etter valet på søndag.
Separatistpartia ligg an til å få mellom 73 og 80 sete i regionalforsamlinga i Barcelona, ifølgje ein prognose frå kringkastaren RTVE. 68 sete utgjer absolutt fleirtal i forsamlinga på 135.
-
Laura Borras i «Junts per Catalunya» (Saman for Catalonia) på et valmøte i Barcelona 14. februar. På skjermen bak er det bilde av tidlegare president i Catalonia regionforsamling, Carles Puigdemont. Til venstre står Jordi Sanchez.
Foto: LLUIS GENE / AFP / NTBBraksiger for opposisjonen i Kosovo
I Kosovos andre val på halvtanna år styrer det venstreorienterte og nasjonalistiske opposisjonspartiet Vetevendosje mot braksiger.
Når om lag 80 prosent av stemmene var talte opp, hadde Vetevendosje (Sjølvråderett) fått rundt 48 prosent. Partiet ser dermed ut til å nesten ha dobla oppslutninga si frå valet i 2019.
Tilhengjarane til Sjølvråderettspartiet feira valsigeren i Pristina i Kosovo i natt.
Foto: FLORION GOGA / Reuters / NTBBiden leiar digitalt G7-møte
USAs president Joe Biden skal fredag vere vert for det første G7-toppmøte sitt, opplyser Det kvite huset. I møtet skal leiarane for Frankrike, Italia, Storbritannia, Tyskland, Japan, Canada og USA snakke om pandemien, verdsøkonomien og Kina, skriv Reuters.
Det førre toppmøtet skulle ha vore i Washington D.C. i august i fjor, men blei utsett på grunn av koronakrisa.
