Næringslivet i kommunen er positiv til å sponse den ledige prestestillinga med 40 prosent, slik at stillinga utgjer full jobb.
Alice Elnes, personanasvarleg ved Møre Bispedøme, vedgår at sponsing frå privat næringsliv kan vere tvilsamt.
– Når vi fordeler pengar til presteteneste så prøver vi å gjere det på ein rettferdig måte, også viser det seg at Sandøy ikkje er rettkomne til meir enn ei deltidsstilling, fortel Elnes.
Slit med rekruttering
Prestestillinga i Sandøy er i utgangspunktet ei 60 prosents stilling, og Møre Bispedøme har slite i lengre tid med å få søkjarar.
I utgangspunktet syns Elnes at det er veldig positivt at næringslivet vil gå inn å støtte prestestillinga.
– Synleg blant folket
Prestestillingane er statlege, og når stillinga ikkje utgjer full jobb vert det problematisk, seier Elnes. Ho fortel at det er veldig vanskeleg å få nokon til å ta jobben sidan den berre utgjer 60 prosent.
– Målet er at presten skal gjere teneste for næringslivet i Sandøy, og at presten er synleg ute blant folket og i tillegg kan møte dei tilsette i bedriftene der ute, seier ho.
