Tre omkom - i dag kjem domen

I dag kjem domen mot ei kvinne i 20-åra som er tiltalt for aktlaust drap og aktlaus køyring etter ei dødsulykke i Blindheimstunnelen i Ålesund i fjor sommar. Kvinna kom over i feil køyrefelt og kolliderte med ein møtande bil, og tre kvinner i 40 og 50-åra omkom i kollisjonen på E39. I tillegg blei kvinna i 20-åra og dei tre passasjerane hennar skadde. Aktor la ned påstand om fengsel i eitt år og ti månader då saka var oppe i tingretten. Der erkjente kvinna straffskuld.