NRK Meny
Normal

Omkom etter møteulykke

Ein person omkom etter ei møteulykke mellom ein motorsykkel og ein lastebil på E136 mellom Trollveggen og Horgheim i Romsdal. Ein bil var også involvert.

Ulykke på E136 Romsdal

OMKOM: E136 var lenge stengt grunna ei ulykke mellom Trollveggen og Horgheim i Romsdal. Ein person omkom. Vegen er klokka 17.15 delvis open att for trafikk.

Foto: Ottar Rydjord

Ulykke E136

ULYKKE: Alle naudetatar rykka ut etter melding om ulykke på E136 i Romsdalen.

Foto: Ottar Rydjord

– Førar av motorsykkelen er bekrefta omkomme, og me har sett i verk varsling av familie, seier operasjonsleiar Frode Gjøsund i Nordmøre og Romsdal til NRK klokka 17.14.

Dei involverte i ulykka var ein lastebil som kom fra Åndalsnes og kjørte mot Dombås, og ein personbil og ein motorsykkel som kom motsatt veg.

– Det blir etterforsking av saka. Det kan tyde på at tilhengaren til lastebilen har vore over i motsett køyrefelt, seier Gjøsund til NRK.

Statens havarikommisjon for vegtransport er varsla og vil setje i verk undersøkingar saman med politiet.

Laster Twitter-innhold

Vegen var lenge stengt

Ulykke i Romsdal

KØ: Det var mykje kø i området etter ulykka.

Foto: Rigmor Sjaastad Hagen

Det var klokka 14.47 at fekk politiet melding om at det hadde skjedd ei ulykke på E136 mellom Trollveggen og Horgheim i Romsdal.

– Luftambulanse er på staden, og det har blitt gjort livreddande førstehjelp på motorsykkelsjåføren, sa operasjonsleiar Sigvart Sivertsen til NRK klokka 15.50.

Vegen var lenge stengt, og det var kø i området. Det vart sett opp skilt på Vestnes og Dombås, og det var mogeleg å køyre om Oppdal.

– Det er no delvis stengt veg. Dei har sloppe eitt felt forbi ulykkesstaden og dei vil no også sleppe forbi det andre feltet, seier Gjøsund til NRK klokka 17.14.

Like før klokka 20.00 melder politiet at vegen igjen er open.

Laster Twitter-innhold

– Hadde englevakt

Fred Karusbakken

ENGLEVAKT: Fred Karusbakken fekk hengaren på lastebilen i sida på bilen. Han seier han hadde englevakt.

Foto: Ottar Rydjord

Fred Karusbakken var på veg heim frå hytta og sat i bilen som vart treft av hengaren på lastebilen. Han kom frå ulykka utan skade.

– Eg hadde englevakt til tusen, seier Fred Karusbakken der han står ved sida av bilen sin.

– Eg er glad eg ikkje hadde nokon med i bilen, seier han.

Laster kart, vennligst vent...

E136 er stengt grunna ei ulykke mellom Trollveggen og Horgheim i Romsdal.