Ei rekkje ukjende dronar er observert langs olje- og gassinstallasjonar på norskekysten den siste tida.
Den siste blei observert laurdag, melder nettstaden Aldri Mer.
Operasjonsleiar Victor Fenne-Jensen ved Sør-vest politidistrikt stadfestar observasjonen.
– Vi fekk melding går formiddag rundt kl. 13 frå operatørselskapet om at dei hadde sett ein mogleg droneobservasjon ved Åsgård B- plattforma. Det var gjort frå plattforma, seier han.
Fenne-Jensen seier operatørselskapet Equinor også melde om eit russisk fartøy like ved feltet.
Kystvaktskipet KV Svalbard.
Foto: Jonas Selim / Forsvaret / Jonas Selim / Forsvaret
Kystvakta rykte ut
Nettstaden Aldri Mer skriv at kystvaktfartøyet KV Svalbard laurdag rykte ut til ein russisk isbrytar som i dagevis har ligge ved landets nest største gassanlegg, Ormen Lange i Møre og Romsdal.
Ordføraren i Aukra, Odd Jørgen Nilssen, seier han trur det er russarar som står bak dronane.
– Det er ikkje tvil om at russiske styresmakter er ute etter å skape frykt og provosere. Det er veldig bra at det blir følgt med, seier Nilssen.
Ordførar Odd Jørgen Nilssen.
Foto: Malin Kjellstadli Korsnes / NRKFleire etterforskingar
Politiet etterforskar fleire droneobservasjonar ved norske olje- og gassinstallasjonar den siste tida. Nyleg blei det kjent at PST vil overta etterforskinga.
Equinor, som er operatør på Åsgard B, ønskjer ikkje å kommentere observasjonen laurdag.
– Vi stadfestar ingen observasjonar. Vi er bedne av politiet om å ikkje gjere det, av omsyn til etterforskinga, seier pressevakt Ellen Maria Skjelsbæk.