Mange sortar skal vere klare til jul, og krumkaker har ein lang tradisjon for å hamne på bordet.
- Krumkakene er både sprøe og søte, og det kan vere ei god avveksling til julekaffien, seier Martinus Peder Haugen.
Han driv MPs hjemmebakeri i Surnadal.
Tjukke og tynne
Haugen seier det finnast mange ulike oppskrifter.
- Somme er tjukke, somme er tynne og enkelte er betre enn andre.
Sjekk Martinus Peder si eiga oppskrift til høgre i artikkelen.
Bruker ferske egg
Råvarene er alltid viktige når ein skal lage mat.
Haugen bruker førsteklasses egg – rett frå kjelda.
- Eg får tak i dei rett frå hønsehuset. Dess ferskare ein får det, dess betre, seier Haugen.
Kakene må krummast
Haugen får ikkje understreka nok kor viktig det er å vere nøyaktig.
- Du må måle nøyaktig når du baker, og du må vere nøye under steikinga, seier han halvstrengt.
Når ein lagar krumkaker må ein i tillegg følgje opp med etterarbeid.
- Etter steiking må kakene krøllast i hop, så dei vert så fine som råd.