- Where is the sun?

Det var mykje turistar i Ålesund i dag. Dei var godt igjenkneppa med hetter og paraplyar. Om dei venta sol blei dei i så fall skuffa.

– Vi hadde ikkje venta noko slikt som dette. Det skulle vere blå himmel og solnedgang kvar kveld. Men kvar er sola? Kvar er solskinet, spør Tanid Phiriyapokanom. Han er turist frå Thailand.

• Betre turistver i morgon? Sjekk her.

– Ei annleis oppleving

Turistar frå mange kantar av verda strøymde ut av hurtigruta i Ålesund i dag. Det var vått ver med låge skyer som møtte dei.

– Vi kjem frå Brasil. Det er varmare der enn her. Så dette blir ei annleis oppleving, seier Tainara Lemos.

• Les også: Tysk bubil vart offer for uvêret

Glansbilete med blå himmel

Sommarlandet Noreg blir marknadsført med blå himmel og sol. Det er glansbileteversjonen som blir seld til dei utanlandske turistane.

– Dei kjem nok ikkje hit på grunn av det gode veret. Men det er klart det er trasig når vi ikkje kan vise fram området vårt på den beste måten, seier Britt Giske Andersen, avdelingsleiar ved Turistinformasjonen i Ålesund.

• Les også: Tro det eller ei, men dette er turistenes yndlingsmotiv
• Les også: - Toaletta er ei skam for nasjonen!

– Dette rår vi ikkje med

Denne veka måtte eit turistskip avlyse turen til Ålesund på grunn av storm ved Stad. På land sto turistnæringa utan å kunne gjere noko med situasjonen.

– Nei, dette rår vi ikkje med. Dette må vi ta som det kjem. Men det er klart at det ikkje var bra i forhold til dei som har førebudd seg på cruiseskip-besøk, seier Andersen.

• Les også: Er luta lei turistar som skal på do
• Les også: – Turistene her er brautende og vulgære

– Litt regn er greitt

Regnet ser imidlertid ikkje ut til å skræme turistane. Dei fleste er innstilte på å gjere det beste ut av det.

– Litt regn er greitt, berre veret forandrar seg. Men veret endrar seg ikkje. Vi skulle gjerne hatt litt forandring, seier scooter-turist Hubert Hilgers til NRK. Han har køyrt scooter frå Hamburg, og det har vore mykje køyring i regn.