På fem år har formuen til Farstad-brørne Sverre Andreas og Jan Henry blitt redusert til ein tiandedel, frå om lag to milliardar til 200 millionar.
«Timing» er nøkkelen for å forstå utviklinga i offshore-formuane, meiner professor i økonomisk historie ved NHH, Ola Honningdal Grytten.
Oversikta over offshore-formuane dei siste åra syner ein reduksjon på over ein milliard kroner.
Ola Honningdal Grytten, professor i økonomisk historie ved NHH.
Foto: Trond Vestre / NRKFarstad-brørne hardast ramma
Sjølv om formuestalet i sjølvmeldinga ikkje viser heile sanninga, vil ein kunne sjå preg av ein dårleg marknad for offshore gjennom lågare personlege formuar for offshore-reiarane.
Tidspunktet for når dei ulike reiarane har valt å ta tap eller restrukturere selskapa sine, verkar å ha hatt stor innverknad på korleis dei har klart seg gjennom offshore-krisa, meiner Grytten.
Remøy mista REM Offshore til Solstad allereie tidleg i oktober 2016. Det at det skjedde såpass tidleg gav han pengar nok til at han same dag oppretta eit nytt investeringsselskap med fokus på offshore.
Til samanlikning var Farstad-brørne seint ute med å få på plass ein restruktureringsplan for det kriseramma offshorereiarlaget Farstad Shipping. Planane for samanslåing med det Røkke/Aker-kontrollerte Solstad Offshore og Fredriksen-kontrollerte Deep Sea Supply var ikkje på plass før våren 2017, noko som har gjort at Ålesund-brørne har gått på eit enormt tap.
Sverre Andreas Farstad.
Foto: Frode Berg / NRKI 2011 hadde Farstad-brørne ei formue på totalt 2 012 302 932. I 2016 viser skattelistene at den har minka til 186 152 027.
– Ser lysare ut for Herøy-reiarane
Det var mellom 2014 og 2015 at dei største tapa tok stad, då vart offshore-formuane på Sunnmøre totalt redusert med om lag ein milliard kroner.
Grunna eit oppsving i oljeprisen går det no betre med offshorenæringa og ein ser større investeringsoptimisme.
Han spår positive trendar framover, men legg ikkje skjul på at offshore-reiarane har tapt mykje pengar. Dette kan gjere det vanskeleg å kome seg tilbake inn i marknaden.
– Det trur eg Ålesund kjem til å merke. Elles ser det lysare ut for Herøy-reiarane, legg Grytten til.
Per Rolf Sævik
Foto: Erlend Blaalid Oldeide / NRKFor Per Sævik har ikkje nyleg berre klart å berge Ålesund-baserte Volstad Maritime. Han har klart å berge sine eigne og at Sævik-familien klarte å halde aksjemajoritet i Havila, meiner Grytten er ein kunst utan like.
– Per Sævik har ein utruleg tillit i marknaden. Han står på fleire bein og går raskt inn i nye marknader når andre rotnar, seier Grytten.
For det handlar mykje om sjonglering mellom fleire selskap. Ein kan restrukturere og overføre pengar frå eit selskap til eit anna, noko som både er fullt lovleg og kan vere strategisk lurt, meiner Grytten.
Denne oversikta viser utviklinga i offshore-formuene frå 2012-2016: