Alt i november kunne NRK Møre og Romsdal fortelje om planane om å bruke larvar i som dyrefôr. I første omgang var planen å hente ut feitt og protein frå larvane og bruke dette i fór til hundar. No er nye reglar på trappene slik at proteinet og feittet frå larvane kan brukast som fôr til oppdrettsfisk.
– Ei mangelvare
Larvane skal dyrkast fram blant matrestar i store bingar i ein fabrikk i Stordal. Larvane består av 70 prosent vatn. Resten er tørrfôr der ein finn proteinet og feittet.
Harald Espeland er forretningsutviklar i Norinsect.
Foto: Alf-Jørgen Tyssing / NRK– Animalsk protein er eit svært godt råstoff å ha i dyrefôr, også i fiskefôr. Det er ei mangelvare. Det blir brukt svært mykje vegetabilsk protein slik situasjonen er i dag, seier Harald Espeland, forretningsutviklar i Norinsect.
Dei nye reglane som tillèt bruk av innsektar på denne måten blir no sende ut på høyring. Reglane er identiske med regelverk som gjeld i EU. Med bruk av protein frå innsektar kan næringa redusere importen av raps og soyaolje frå Sør-Amerika.
– Insekt er ei kjempegod proteinkjelde som får laksen til å vekse. Og i framtida treng vi nye fôrresursar, seier Erik-Jan Lock, forskar ved Nasjonalt institutt for ernærings- og sjømatforsking.
- Les også:
- Les også:
Nytt i Noreg
Om om lag eitt år kan det bli produsert om lag 5 tonn larvar i døgnet i Stordal. I dag er det ingen konkurrentar i Noreg som lagar fôr av insektar.
– Dette er nytt i norsk samanheng. Det er ganske nytt i Europa også. Ute i den store verda blir det brukt mykje insekt, også til menneskeføde. Men i Europa er det ganske nytt, seier Harald Espeland.
