– No har eg hatt god tid til å teste ut kva som fungerer bra og kva som fungerer dårleg. Eg meiner at å bruke insekt som ingrediensar i dyrefôr er svært gunstig, seier Peder Stavdal Vikenes.
Vikenes i Stordal etablerar no verksemda NorInsect, og saman med NIFES (Nasjonalt Institutt For Ernærings- og sjømatforsking) skal han gjennomføre eit analysearbeid som skal undersøke om kvaliteten på insekt blir påverka av kva dei blir fôra med. Prosjektet er støtta av regionalt forskingsfond i Midt-Norge.
– Insekt et det meste, og ulike kvalitetar kan nyttast til forskjellige formål. Det er noko av det dette prosjektet vil vise oss, seier Vikenes.
- Les også:
Vil satse breitt
Parallelt med analysearbeidet skal NorInsect AS i samarbeid med Vekst i Stordal like på nyåret gripe fatt i arbeidet med forretningsplan og kommersialiseringsstrategi.
Peder Stavdal Vikenes og Harald Espeland satsar på insektproduksjon.
Foto: Remi Sagen / NRK– Dette prosjektet er midt i blinken for oss. Vi ønskjer å støtte opp under slike tiltak innanfor mat- og næringsmiddelproduksjon, og vi synest at dette er ein spennande ide, seier Harald Espeland, prosjektleiar i Vekst i Stordal.
Han trur at marknadsmoglegheitene er store både nasjonalt og internasjonalt, og ser fram til å utvikle verksemda vidare i lag med Vikenes.
– Eg har vore så heldig å få følgje Peder og samarbeide med han det siste året, og det er spennande å sjå alle moglegheitene som er innanfor insektproduksjon, seier Espeland.
Målet vårt er å kunne starte opp ein kommersiell insektproduksjon innan kort tid.
– I utgangspunktet ønskjer vi å satse på ei kommersialisering av dei mest gunstige kombinasjonane av fôr og insekt, fortel Vikenes.
- Les også:
Matproduksjon
Til grunn for satsinga ligg ei analyse av behovet framover for protein. Vikenes fortel at dei i første omgang berre skal satse på produksjon av dyrefôr, men ser ikkje bort ifrå at det også kan bli produksjon av insekt som mat til menneske i framtida.
– Insektproduksjon er ein berekraftig måte å produsere protein på, og det er noko ein treng stadig meir av i tida som kjem, seier Espeland.
– I mellomtida vil det vere aktuelt å nytte insekt som ingrediensar i dyrefôr, seier Vikenes. Eg trur dette vil kome meir og meir også i vår del av verda, men det vil ta noko tid. I mellomtida vil vi nytte insekt som ingrediensar i dyrefôr, seier Vikenes.
- Les også:
