Det viser hovudopptaket til høgare utdanning som vart klart i dag.
Målretta arbeid
I Molde er det nesten 20 prosent fleire søkjarar enn i fjor.
Rektor Solfrid Vatne, ved Høgskulen i Molde er kjempeglad.
– Målretta arbeid over tid løner seg. Dette er utroleg morosamt å få vere med på, seier rektor Solfrid Vatne i ei pressemelding.
824 studentar har søkt på studiar ved Høgskulen i Molde. Dette er 139 fleire enn i fjor.
Nedgang i Volda og Ålesund
I Ålesund og Volda har det derimot vore ein nedagng i år. Direktør ved Høgskulen i Volda, Jacob Kjøde jr. , er spesielt uroa for få søkjarar til lærarutdanninga.
– Spesielt skulle vi ønske vi hadde betre søkjartal til den nye lærarutdanninga frå 1. til 7. trinn, men også for 5.-10 trinn skulle vi sett at vi hadde fleire søkjarar, seier han.
Jubel i Molde
Men i Molde er det altså berre jubel over opptakstala.
Informasjonskonsulent Jan Ragnvald Eide ved Høgskolen i Molde svært fornøgd.
– Det er utruleg gledeleg. Heilt fantastisk, seier han.