Fleire køyrer ruspåverka: – Skremmande

Hjarte dunka eit ekstra slag då bilførar Kenneth Fors vart vinka inn av politiet.

Tidlegare denne veka hadde politiet storkontroll i Romsdalen. Absolutt køyretøy og førarar skulle bli sjekka.

– Får man ikkje alltid litt puls når man ser «onkel politi» vinkar deg inn frå sida?, seier Kenneth Fors.

Stoppar fleire påverka av rus

Det var ingenting å utsette på denne sjåføren, men politiet ser ei auke i personar som blir teken for ruskøyring.

I fjor blei rekordmange, nesten 11.500 sjåførar tatt for ruskøyring på norske vegar.

For ti år sidan var tilsvarande tal 8895.

• Visste du at over ein tredjedel av alle skader skjer når ein er påverka av rus?

Natt til søndag meldte politiet i Møre og Romsdal om fleire som var mistenkt for å ha køyrd i ruspåverka tilstand, både i Rauma, Molde, Sula, Kristiansund og Ålesund hadde tilfelle på dette.

Rusa på lovlege medisinar

I Romsdalen tok politiet i bruk både alkoholmålar og spyttestar når dei gjennomførte sin storkontroll denne veka. Det er spesielt ei utfordring dei ser i trafikkbildet no.

– Den største utfordringa politiet møter er dei som brukar lovlege medisinar, men som ikkje følgjer doseringa som legane anbefaler, seier politioverbetjent Kjellbjørn Johansen.

Han synest denne utviklinga er skremmande.

Sovemedisin og smertestillande er eksemplar på medisinar som blir misbrukt. Alle UP-biler har no eit apparat som kan påvise narkotika og ulovleg mengder legemiddel, ved mistanke.

– Verste er at dei kan skade uskyldige

Johansen ser alvorleg på at fleire bilistar blir tatt for ruskøyring kvar einaste dag. UP sine tal viser at rus er medverkande årsak til omtrent 25 prosent av alle bilulykker.

– Ein ting er at dei sjølv køyrer av vegen og kan skada seg, men det verste er at dei kan skade uskyldige.

Ifølge ein fersk rapport er ruspåverking ein medverkande faktor i 20 prosent av dødsulykkene på vegane.

• Men for bussjåførane er det no umogleg å ha promille på jobb.

Sett pris på kontrollar

Robin Lie var på veg frå Åndalsnes til hytta på Lesja då han måtte blåse for å vise at han var rusfri. Han ønsker slike kontrollar velkommen.

– Eg synest at det er heilt på sin plass, seier Lie med eit smil før han fekk køyre vidare til hytta.