Nynorskpris til Jon Hustad
Jon Hustad frå Sæbø i Ørsta fekk i dag Kulturdepartementet sin nynorskpris for journalistar. TV2-profilen, Dag og Tid-journalisten og debattanten fekk prisen på 50.000 kroner og eit kunstverk under Dei nynorske festspela i Ørsta. «Hustad er ein kunnskapsbasert kranglefant som brukar eit godt og levande nynorsk for å fremje sakene og meiningane sine», heiter det i grunngjevinga.
