Politiet i Møre og Romsdal meldte om ulykka klokka 13.55. Alle naudetatane er rykte ut til staden og var framme like etter klokka 14.00.
Personen var fastklemd, men blei etter kvart frigjort.
– Personen er sendt til sjukehus. Vedkomande var fastklemd. Ulykka har skjedd i samband med ei maskin, seier Erik Daniel Dyb, operasjonsleiar i politiet.
Personen skal ha fått skader i beina, men skadeomfanget er så langt ukjent.
– Han var vaken og medviten, seier Dyb.
Det er ikkje meldt om at andre skal ha blitt skadd i ulykka.
Gjer undersøkingar
Politiet er på staden for å gjere undersøkingar.
Dyb opplyser at det er for tidleg å seie noko om årsaka til ulykka.
– Vi gjer undersøkingar på staden for å prøve å få svar på dette, seier operasjonsleiaren.
Arbeidstilsynet skal også bli varsla om hendinga.