Mannen som ramla i sjøen i Høydalen i Volda kommune blir undersøkt av helsepersonell. Han er bevisst. Mannen skal ha fiska ved ei flytebrygge på staden då han falt i vatnet. Det er uvisst kor lenge mannen låg i vatnet før han blei redda på land.
Mannen som har ramla i sjøen ved småbåthamna i Høydalen i Austefjorden skal vere tatt opp av vatnet. – Han er våken, men helsetilstanden til mannen er framleis uavklart, seier Sindre Molnes i politiet. Hovudredningssentralen sender eit helikopter.
Politiet har fått melding om at ein mann skal ha ramla i sjøen frå ein båt inst i Austefjorden, ved Fyrde i Volda. Nødetatane er på veg mot staden, og hovudredningssentralen er varsla. Det er uavklart status på mannen som ramla overbord.
