Linda Eide minnast Keiko

Spekkhoggaren Keiko vart verdsstjerne etter å ha spelt Willy i den første av dei tre amerikanske Free Willy-filmane.

Som pensjonist fann kvalen vegen til Halsa. Det gjorde etterkvart også både norsk og internasjonal presse. Keiko døydde av lungebetennelse 12. desember 2003.

Gravferdsagenten

Gravemaskinførar Jostein Glåmen fekk oppdraget med å gravleggje kjendiskvalen, men dei amerikanske filmprodusentane ville ikkje ha noko oppstyr rundt det.

- Dermed måtte det skje midt på natta, så ikkje journalistane fekk det med seg, fortel han.

Skiltar minnerøys

No vil Linda Eide i programmet Norsk attraksjon gjere litt stas på den avlidne filmstjerna.

I kveldens program vitjar ho Halsa og fortel historia om Keiko.

Der set ho opp skilt til minnerøysa etter den verdskjende spekkhoggaren.

Sjå innslaget her:

Linda Eide minnast Keiko