Torsdag ettermiddag arresterte politiet to litauiske menn i 30-åra. Mennene vert knytt til bustadinnbrota som har funne stad på Sunnmøre den siste tida.
Pågripinga fann stad på ein campingplass i Sør- Trøndelag.
– Etterforskninga vår her på Sunnmøre gjorde at vi klarte å lokalisere dei to litauarane med god hjelp frå politiet i Sør-Trøndelag, seier politiførstebetjent Lars Eirik Steinsland.
Ved pågripinga sat dei blant anna på gullsmykke, klokker og sølvtøy.
- Les også:
Ifølgje politiet er det for tidleg å seie noko om godset som vart funne stammar frå innbrota på Sunnmøre, men Steinsland kjenner seg trygg på at vi har pågrepet de rette.
– Nå gjenstår arbeidet med å knyte dei til bustadinnbrota som er begått siste tida i distriktet vårt og eventuelt andre distrikt, seier han.
I samband med saka ber politiet om konkrete tips frå dei som har observert ein utenlandsregistrert liten kvit KIA Cee'd 5-dørsmodell med registreringsnummer som startar på ”GCC”.
